Авайыңны өөрткен сен бе?
Амыдырал-чуртталгаңны чаяап бергеш
Амыр-дыш чок ажаанзырап азырааштың
Алызындан соруктуг бооп кижизиткен
Алдын хүн дег авайыңны өөрткен сен бе?
Башкы сөсту "авай" кылдыр адапкаштың
Балдырларың атпаңнады бирги базып
Баалыңныг сакпыңыңда чаагай чемин
База катап чигениң дээш өөрткен сен бе?
Частырыглар турбас кылдыр кызып тургаш
Чараш бижип, эки номчуп өөренгештин
Чайгаар тыпкан салымныыңга идиг берген
Чазык аваң сеткилин сен өөрткен сен бе?
Кидирээштиг чуртталгага таварышкан
Кижилерге үезинде дуза кадып
Кичээнгейлиг сагыш човап чорааның дээш
Кижизиг бооп авайыңны өөрткен сен бе?
Ажыл-ишчи кежээ болуп, чуртталгаңда
Ажыктыг чүүл кылып алгаш, хензиг-даа бол
Ажаанзырап манап орар авайыңга
Ажырбас деп бадыткал дээш өөрткен сен бе?
Алдын, монгун белектерни берип тургаш
Алдар-ады чок-даа болза үнелиг деп
Алызындан авайыңга сеткил-хөңнүң
Ала-чайгаар ажыткаштын өөрткен сен бе?
Ийи–чангыс бичии када ырай бээрге
Ийлээр чыгыы турганыңны сагындырып
Ишти-хөңнүм сенээ тудуш авай дээштин
Ишкиртинип ыглапкаштын өөрткен сен бе?
